Олтита матчболдан чиқиб кетган Шериф Хорватияда чемпион бўлди

Ҳал қилувчи финал учрашувида дунёнинг 54-ракеткаси бўлиб турган мисрлик Маяр Шериф рейтингда ўзидан бир поғона қуйида бораётган италиялик Жасмин Паолинига қарши кортга чиқди. 

Эътиборлиси, 2 соату 56 дақиқа давом этган баҳсда Шериф 6 та матчболдан чиқиб кетишга муваффақ бўлди ва якунда 2/6, 7/6(6), 7/5 ҳисобларида ғалаба қозонди. Бу теннисчиларнинг ўзаро илк учрашуви эди. 

Шериф 1, Паолини 2 та эйс зарбасини амалга оширган. Қўшхатолар бир хил - 1 тадан бўлди. Мяар 5, Жасмин 6 та брейкка эришди. Хорватиядаги муваффақиятли иштирок мисрлик теннисчига 160 рейтинг очко ҳамда 15,000 доллар мукофот пули келтирди. 

У бугун эълон қилинган рейтингда Топ-40`таликда дебют қилади. Паолини эса 95 очко ва 8,500 доллар ишлаб олди. Жасмин ҳам рейтингдаги шахсий рекордини янгилади - 41-ўрин!