26 авг 11:54
Янгиликлар

Дзюдо

Омадсиз иккинчи кун! Биз учун нимчорак финал сўнгги бекат бўлиб қолди

Кунчиқар юрт Японияда ушбу мамлакат миллий спорт тури ҳисобланган дзюдо бўйича катталар ўртасидаги жаҳон чемпионати давом этяпти.

Афсуски, куннинг қолган беллашувлари ўзбекистонлик дзюдочиларсиз ўтади. Ҳозиргина -66 кг вазн тоифасида юртимиз шарафини ҳимоя қилаётган иккинчи дзюдочимиз Сардор Нуриллаев ҳам Шаҳрам ва Диёра сингари нимчорак финал босқичида имкониятни бой бериб, жаҳон чемпионатидаги иштирокини тўхтатди.

Сардор япониялик дзюдочи Маруямага имкониятни бой бериб қўйди. Нуруллаев мезбон спортчига қадар Франция ва Албания вакилларини мағлубиятга учратган эди.