Омонмуродова Будапешт турнири саралашини ғалаба билан бошлади

I. Sport11 Ladies Open турнирининг мукофот жамғармаси 50 минг АҚШ долларини ташкил қилади. Омонмуродова саралаш турнирида тўртинчи рақам остида таснифланган.

Ҳамюртимиз саралашдаги иштирокини тўғридан-тўғри иккинчи даврадан бошлади. У бу босқичда сербиялик Барбара Боничга қарши кортга чиқди ва рақибасини 6:3, 7:5 ҳисобида мағлуб этди. Бугун Оқгул асосий тўрга йўлланма берувчи учрашувда польшалик Магдалена Фречга қарши баҳс олиб боради.