07 авг 12:15
Янгиликлар

Теннис

Омонмуродова Германиядаги иштирокини ғалаба билан бошлади

Тажрибали теннисчимиз Оқгул Омонмуродова Германиянинг Хехинген шаҳрида ўтказилаётган турнирда иштирок этяпти.

“Фьючерс” туркумига кирувчи мусобақанинг соврин жамғармаси 60 000 долларни ташкил қилади. Ҳамюртимиз турнирнинг саралаш баҳсларида ўз имкониятини синовдан ўтказяпти.

Оқгул илк даврада руминиялик Андреа Гитескуга қарши кортга чиқиб, 5:7, 6:3, 6:0 ҳисобида ғалаба қозонди. Бугун Омонмуродова иккинчи босқичда саралашнинг 5-ракеткаси германиялик Вивиан Хейсенга қарши кортга чиқади.