Омонмуродова Германиядаги турнирда 38 ёшли теннисчига ютқазди

“Фьючерс” туркумига кирувчи мусобақанинг соврин жамғармаси 60 000 долларни ташкил қилади. Ҳамюртимиз турнирнинг саралаш баҳсларида ўз имкониятини синовдан ўтказаётганди.

Афсуски, ҳозиргина якунига етган учрашувда у рақибасига имкониятни бой бериб, асосий тўрга йўлланмани қўлга кирита олмади. Оқгул 2 соату 6 дақиқа давом этган саралашнинг финал баҳсида имтиёзли йўлланма асосида қатнашаётган венгриялик Грета Арнга 6:3, 4:6, 2:6 ҳисобида ютқазди.

Таққослаш учун, 38 ёшли Грета Арн дунё рейтингида 788, 33 ёшли Оқгул Омонмуродова эса 442-ўринни эгаллаб турибди. Лекин Арн 2011 йили дунёнинг 40 нафар энг кучли теннисчиси сафига киришга муваффақ бўлган эди.