15 июл 09:15
Янгиликлар
Теннис
Омонмуродова Moscow Open 2017 бош мукофоти соҳибаси!
Россия Федерацияси пойтахти Москва шаҳри мезбонлик қилаётган хотин-қиз теннисчилар ўртасидаги Moscow Open 2017 турнири ўз якунига етиб боряпти.
Соврин жамғармаси 25 000 АҚШ долларини ташкил қилувчи турнирда ҳамюртимиз Оқгул Омонмуродова ҳам ўз имкониятини синовдан ўтказди. Қувонарлиси, теннисчимиз мусобақанинг жуфтликлар баҳсида бош мукофот соҳибасига айланди.
Россиялик Валентина Ивахненко билан бирга иккинчи рақамли жуфтликни ҳосил қилган Омонмуродова финал баҳсида беларуслик теннисчилар - Илона Кремен ва Ирина Шиманович ҳамкорлигига қарши кортга чиқди. Учрашувда Оқгул ва Валентина 6:4, 6:2 ҳисобида зафар қучишди.
Эслатиб ўтамиз, Оқгул Омонмуродова Moscow Open 2017 турнирининг яккалик баҳслари биринчи даврасида турнирнинг саккизинчи ракеткаси, россиялик Анастасия Пивоваровага имкониятни бой бериб қўйганди.
Ҳавола :
Манба : olamsport.com
Фикрлар