Омонмуродова ярим финалга чиқди

Соврин жамғармаси 25 минг долларни ташкил қилувчи ушбу мусобақанинг яккалик баҳсларида ярим финалчилар маълум бўлди. Аёл теннисчилар ўртасидаги турнирнинг чорак финалига етиб келган ягона вакиламиз Оқгул Омонмуродова ўзининг учинчи учрашувини ўтказди. Тажрибали ракетка устамиз грузиялик Марьям Болквадзе билан тўқнаш келди. Уч сет давом этган баҳсда ҳамюртимиз рақибасини 6:3, 6:7, 6:3 ҳисобида мағлуб эта олди. Эртага Омонмуродова ярим финал учрашувида россиялик Анастасия Фроловага қарши кортга чиқади. Фролова чорак финалда ҳамюрти Ольга Дорошинадан устун келди.