Open Sud de France. Зверев финалда ўйнайди

Дунёнинг учинчи ракеткаси Александр Зверев Open Sud de France турнирининг финалига йўл олди. Германиялик теннисчи 53 дақиқа давом этган ярим финал учрашувида ATP рейтингида 83-поғонадан жой олган швециялик Микаэл Имерни мағлубиятга учратди - 6/1, 6/3.

Александр баҳс давомида 6 та эйс, 5 та брейкни амалга оширди. Микаэль эса 3 та эйс зарбани ижро этиб, битта брейк-пойнт қайд этди. Теннисчиларнинг ўзаро учрашувларидаги ҳисоб 3:0 кўринишига келди. Зверевнинг Монпелье турнири финалидаги рақиби қозоғистонлик Александр Бублик бўлади.