23 ноя 11:51
Янгиликлар

Бокс/ММА

Ортис ва Уайлдер жанг олдидан тарозига чиқди + ФОТО

Супероғир вазн тоифасида WBC йўналиши чемпиони Деонтей Уайлдер эртага тонгда Лас-Вегасда кубалик Луис Ортисга қарши жанг қилади.

Бугун ушбу жанг олдидан вазн ўлчаш маросими ташкил этилди. Унга кўра чемпион Уайлдер 99,6 кг вазн қайд этган бўлса, Ортис 107 кг тош босди.

Қайд этиш лозимки, Уайлдер 2015 йилдан буён WBC камари соҳиби ҳисобланади. У камарини 9 маротаба ҳимоя қилган.

Уайлдер проф боксда 42 та жанг ўтказиб, уларнинг 41 тасида ғалаба қозонган (40 та нокаут). Битта жангида - Тайсон Фьюрига қарши ўтказилган баҳсда дуранг қайд этган. 40 ёшли Ортис эса 34 та жанг ўтказиб, 31 маротаба ғалаба қозонган (26 та нокаут). 1 маротаба мағлуб бўлган. Иккита жанги эса бўлиб ўтмаган деб ҳисобланган.