24 ноя 08:52
Янгиликлар

Дзюдо

Осака “Катта Дубулға”. Алишер Юсупов 1/4 финалда!

Хабар берганимиздек, Япониянинг Осака шаҳри мезбонлик қилаётган “Катта Дубулға” туркумига кирувчи нуфузли турнирнинг учинчи кунги баҳслари старт олди.

+100 кг вазн тоифасида юртимиз шарафини ҳимоя қилаётган Алишер Юсупов кетма-кет икки ғалабадан сўнг мусобақанинг чорак финалига йўл олди.

Энг оғир вазнли дзюдочимиз биринчи даврада Европа чемпиони, кўплаб Гран-при туркумига кирувчи турнирлар ғолиб ва совриндори, россиялик Руслан Шахбазовни мағлубиятга учратди. Иккинчи босқичда эса яна бир совриндор дзюдочи, австриялик Стефан Хегидан устун келди. Бироздан сўнг у япониялик Юсуке Кумаширога қарши татамига чиқади.