23 ноя 17:43
Янгиликлар

Дзюдо

Осака “Катта Дубулға”. Бронза учун баҳсда ютқазган Расулов 360 рейтинг очкосига эга бўлди

Япониянинг Осака шаҳрида “Катта Дубулға” туркумига кирувчи нуфузли турнирнинг иккинчи кунги баҳслари якунланди.

Бугунги беллашувларда юртимиз шарафини ҳимоя қилган ягона вакилимиз Камолиддин Расулов 5-ўринни эгаллагани ҳолда Токио-2020 Олимпиадасига қимматли 360 рейтинг очкосига ҳам эга бўлди.

Кетма-кет учта баҳсда ғалабага эришган юртдошимиз чорак финал беллашувида татами эгаси, япониялик кучли полвон Ҳикару Томокиога ютқазиб қўйди. -81 кг вазн тоифасидаги дзюдочимиз ўтиш баҳсида россиялик Абас Азизовдан устун келди. Аммо, бронза медали учун кечган учрашувда яна бир рус дзюдочиси Турпал Тепкаевга имкониятни бой берди.

Ушбу вазн тоифасида ярим финалга бир йўла уч нафар япониялик дзюдочи етиб келган бўлса, якунда Таканори Нагасе олтин медални қўлга киритди. У финалда ватандоши Сотаро Фуживарани енгишга муваффақ бўлди.