24 ноя 09:37
Янгиликлар

Дзюдо

Осака “Катта Дубулға”. Ҳуррамов ҳам 1/4 финалда!

Осака шаҳри мезбонлик қилаётган “Катта Дубулға” туркумига кирувчи турнирнинг учинчи кунги баҳслари давом этмоқда.

Алишер Юсуповдан сўнг яна бир дзюдочимиз мусобақанинг чорак финалига йўл олди. -100 кг вазн тоифасида мамлакатимиз шарафини ҳимоя қилаётган Муҳаммадкарим Ҳуррамов кетма-кет икки учрашувда кучли рақибларини мағлубиятга учратди.

Ўз иштирокини тўғридан-тўғри иккинчи босқичдан бошлаган Муҳаммадкарим бу даврада кореялик Ким Жаэ Юнни енгди. Ҳозиргина якунига етган учинчи босқич беллашувида эса голландиялик машҳур дзюдочи, жаҳон чемпионатининг амалдаги бронза медали совриндори, шу йилги Боку “Катта Дубулға” турнири ғолиби Михаэль Коррелни мағлуб этишнинг уддасидан чиқди.

Ҳураммов бироздан сўнг ярим финал чиптаси учун япониялик Дайки Нишиямага қарши татамига чиқади.