23 ноя 09:18
Янгиликлар

Дзюдо

Осака “Катта Дубулға”. Расуловда иккинчи ғалаба!

Япониянинг Осака шаҳрида “Катта Дубулға” туркумига кирувчи нуфузли турнир давом этмоқда.

Бугунги беллашувларда юртимиз шарафини биргина Камолиддин Расулов ҳимоя қилаётгани ҳақида хабар берган эдик. Ҳозиргина -81 кг вазн тоифасида татамига чиқаётган дзюдочимиз иккинчи ғалабасига эришди. Расулов баҳсларга тўғридан-тўғри қўшилган болгариялик Ивайло Ивановни мағлубиятга учратди.

Эслатиб ўтамиз, Камолиддин илк учрашувидан молдовалик рақиби Никон Заборошичдан устун келганди. Бироздан сўнг у чорак финал йўлланмаси учун мўғулистонлик Уугонбаатар Отгонбаатарга қарши татамига чиқади. Отгонбаатар иккинчи даврада руминиялик Влад Висанни таслим этган.