22 ноя 09:48
Янгиликлар

Дзюдо

Осака “Катта Дубулға” турнири. Кемран Нуриллаев учинчи босқичда ютқазди

Хабар берганимиздек, бугун Япониянинг Осака шаҳрида “Катта Дубулға” туркумига кирувчи нуфузли турнир старт олди.

Дунёнинг 5 қитъаси, 94 давлатидан жами 534 (307 эркак, 227 аёл) дзюдочи, улар орасида 7 нафар ўзбекистонлик спортчи мусобақа медаллари ҳамда Токио-2020 Олимпиадасининг муҳим рейтинг очколари учун татамига чиқмоқда.

Афсуски, -60 кг вазн тоифасида юртимиз шарафини ҳимоя қилган Кемран Нуриллаев учинчи босқич учрашувида мағлубиятга учраб, турнирдаги иштирокини якунлади.

Кемран ўз иштирокини тўғридан-тўғри иккинчи босқичдан бошлади. У мўғулистонлик таниқли полвон, шу йилги Загреб Гран-при турнири совриндори Ариунболд Энхтайванни мағлубиятга учратди. Учинчи даврада эса шу йилги Екатеринбург ва Дюссельдорфда ўтказилган “Катта Дубулға” турнирлари совриндори, голландиялик Торнике Цкадоеага ютқазиб қўйди.