21 апр 14:26
Янгиликлар

Бокс/ММА

Осиё чемпионати. Икки боксчимиз ғалаба билан бошлади+ФОТО

Хабар берганимиздек, бугун Таиланд пойтахти Бангкок шаҳрида бокс бўйича 2000-2001 йилларда туғилган ёшлар ўртасида Осиё чемпионати бошланди.

Бугунги дастур доирасида икки чарм қўлқоп устамиз рингга кўтарилди ва уларнинг ҳар иккиси ҳам рақибларини мағлубиятга учратишди. 56 кг вазн тоифасида рингга чиққан Абдумалик Халоков мўғулистонлик Енкхтур Тегшжаргалдан устун келди.

69 кг вазндаги Жаҳонгир Раҳмонов эса хитойлик Тонг Гангни таслим этди. Бироздан сўнг 54 кг вазнли қизлар ўртасидаги баҳсларда ҳамюртимиз Мафтуна Файзуллаева япониялик Сатцуки Ёшизавага қарши жанг ўтказади. 57 кг вазн тоифасида эса Насиба Хайруллаева япониялик Ириэ Сеннага қарши рингга кўтарилади.