Осиё чемпионати. Ўзбек ва қозоқ боксчилари рингда тўқнаш келди+ФОТО

Ҳозиргина яна бир ҳамюртимиз иштирокидаги жанг якунланди. 64 кг вазн тоифасидаги вакилимиз Ҳалимбек Утегенов қозоғистонлик Талгат Шайкенга қарши рингга кўтарилди. 

Афсуски, ҳакамлар қарорига кўра қозоғистонлик боксчи очколар ҳисоби бўйича ғалаба қозониб, кейинги босқичга йўлланма олди. Ҳакамларнинг қарори қандай эканлигини боксчимизнинг эътирозидан ҳам билса бўлади. 

Бироз аввал 49 кг вазн тоифасидаги чарм қўлқоп устамиз Содирбек Камолмирзаев Хитой Тайпейи вакили Лу Чиа-Хаони биринчи раунднинг ўзидаёқ иккита нокдаун эвазига рақибини техник нокаутга учратганди. 

56 кг вазн тоифасидаги боксчимиз Абдумалик Халоков эса рақиби филиппинлик Ямар Аутуакнинг сабабсиз рингга чиқмаганлиги сабабли жангсиз навбатдаги босқичга йўлланма олган эди. 

Ўзбекистон бокс федерацияси матбуот хизмати