Осиё чемпионати. Умумжамоа ҳисобида учинчи бўлдик+ФОТО

Хабар берганимиздек, ушбу қитъа чемпионатида иштирок этган чарм қўлқоп усталаримиз 1та олтин, 4та кумуш ва 3та бронза медалини қўлга киритишди. Терма жамоамиз умумжамоа ҳисобида Қозоғистон ва мезбонлардан сўнг учинчи ўринни банд этишди. 

Жамоамизга ягона олтин медални 56 кг вазн тоифасида юртимиз спорт шарафини ҳимоя қилган Абдумалик Ҳалоков тақдим этди. У финал жангида филиппинлик Кристиан Лаурентени мағлуб этиб, Осиё чемпионига айланди. 

Финалда мағлубиятга учраган Самандар Холмуродов, Темур Мержанов, Жавоҳир Тоғаймуродов ва Жамшидбек Маҳамадалиев кумуш медал билан тақдирланишди. Қизлар ўртасидаги мусобақанинг ярим финалига етиб келган ягона вакиламиз Маҳлиё Раҳимова бронза медалига сазовор бўлди. 

Бокс бўйича Ўзбекистон ёшлар терма жамоаси делегацияси эртага, 29 апрель куни кечқурун Тошкентга қайтиб келади.