22 апр 17:35
Янгиликлар

Бокс/ММА

Осиё чемпионати. Яна бир боксчимизда ғалаба+ФОТО

Шу кунларда Таиланд пойтахти Бангкок шаҳрида бокс бўйича 2000-2001 йилларда туғилган ёшлар ўртасида Осиё чемпионати давом этмоқда.

Ҳозиргина яна бир ҳамюртимиз иштирокидаги жанг якунланди. 52 кг вазн тоифасидаги вакилимиз Самандар Холмуродов КХДР боксчиси Хан Жин Чолга қарши рингга кўтарилиб, катта устунлик билан ғалабага эришди.

Эслатиб ўтамиз, Холмуродовдан аввал 49 кг вазн тоифасидаги чарм қўлқоп устамиз Содирбек Камолмирзаев Хитой Тайпейи вакили Лу Чиа-Хаони биринчи раунднинг ўзидаёқ иккита нокдаун эвазига техник нокаутга учратганди.

56 кг вазн тоифасидаги боксчимиз Абдумалик Халоков эса рақиби филиппинлик Ямар Аутуакнинг сабабсиз рингга чиқмаганлиги сабабли жангсиз навбатдаги босқичга йўлланма олганди. 64 кг вазн тоифасидаги вакилимиз Ҳалимбек Утегенов эса қозоғистонлик Талгат Шайкенга имкониятни бой берган эди.

Бироздан сўнг ўтказиладиган жанг:

60 кг: Рамазон Зиятов - Кубаничбек Уулу Умар (Қирғизистон)