Осиё чемпионатида муваффақиятли қатнашган таэквондочиларимиз Тошкентда тантанали равишда кутиб олинди ФОТО

Баҳсларда иштирок этган Ўзбекистон терма жамоаси аъзолари 2 та олтин, 1 та кумуш ва 4 та бронза медалини қўлга киритишди. Бу терма жамоамининг Осиё чемпионатидаги энг яхши натижасидир. 

Бугун тунда мусобақада муваффақиятли иштирок этган таэквондочиларимиз юртимизга қайтиб келишди. Улар Ислом Каримов номидаги Тошкент халқаро аэропортида тантанали равишда кутиб олинди. Кутиб олиш маросимида Ўзбекистон таэквондо WTF ассоциацияси мутасаддилари, спортчиларнинг яқинлари ҳамда оммавий ахборот воситалари ходимлари иштирок этишди. 

Эслатиб ўтамиз, мусобақа давомида қуйидаги спортчиларимиз шоҳсупага кўтарилишди:

-55 кг: Улуғбек Рашитов (ОЛТИН)

-68 кг: Жасур Жайсунов (ОЛТИН)

-48 кг: Азизжон Ўктамов (КУМУШ)

-63 кг: Абдулазиз Ҳамидуллаев (БРОНЗА)

-78 кг: Марат Мавлонов (БРОНЗА)

-63 кг: Феруза Садикова (БРОНЗА)

-55 кг: Озода Собиржонова (БРОНЗА).

Терма жамоамиз аъзоси Улуғбек Рашитов эса Осиё чемпионатининг энг яхши спортчиси номига сазовор бўлди. 

Эътиборингизга кутиб олиш маросимидан суратларни ҳавола қиламиз:

Суратлар муаллифи - Алимурод Мамадаминов