Осиё Кубоги-2022 мусобақасида 29 та медаль билан биринчи бўлдик

Балуан Шолак номидаги спорт саройида ўтказилган мусобақада Ўзбекистон терма жамоаси муваффақиятли иштирок этди. Ҳамюртларимиз икки кунлик муросасиз беллашувлар натижасига кўра 11 та олтин, 6 та кумуш, 12 та бронза, жами 29 та медаль қўлга киритишди. 

Терма жамоамизнинг бу муваффақиятига қизларимиз муносиб ҳисса қўшишди. Улар барча вазн тоифаларида чемпионлик шоҳсупасига кўтарилишди. Қозоғистон терма жамоаси 3 та олтин, 8 та кумуш, 18 та бронза медали билан иккинчи ўринни банд этишди. Кейинги ўринлардан Қирғизистон ва Туркманистон терма жамоалари жой олишди.