Осиё регби федерацияси вакиллари Бухорода!

Хусусан, ҳудудларда ушбу спорт турини оммалаштиришга жиддий эътибор берилмоқда, жумладан Бухоро вилоятида ҳам.

Ўзбекистонда регби спортини тарғиб қилиш мақсадида ташриф буюрган Осиё регби федерацияси вакили Benjamin van Rooyen ҳамда Анатолий Широв кўҳна ва навқирон Бухорои Шарифга ташриф буюрди. Даставвал меҳмонлар вилоятдаги спорт мажмуалари билан танишиб чиқди. Сўнгра «Бухоро спорт мажмуаси» йиғилишлар залида регби бўйича ўзларининг ўқув дастурлари ва малакалари билан ўртоқлашди.

Йиғилишда дастлаб 2019 йил 29 октябрдаги «Ўзбекистон Республикасида регби спорт турини ривожлантириш чора-тадбирлари тўғрисида»ги Президент Қарори мамлакатимизда ушбу спорт турини ривожлантиришда янги даврни бошлаб бергани таъкидланди.

Осиё регби федерациясидан ташриф буюрган делегация аъзолари Бухоро вилоятида 3 кун мобайнида болалар ва ўсмирлар спорт мактабларидаги тренерларга ўқув-семинар (тренинг) ташкил қилиб, ўз билим ва кўникмалари билан ўртоқлашади. Хуллас, ташрифдан кўзланган мақсад, Бухоро вилоятида ҳам регби спорт турини ривожлантириш, ўқувчилар ўртасида оммалаштириш ҳамда регбини бошқа спорт турлари каби юқори поғоналарга олиб чиқишдан иборат.