15 июл 08:58
Янгиликлар
Дзюдо
Ўсмирларимиз Гонконгдаги рейтинг мусобақасида 4та медаль қўлга киритишди
Гонконгда дзюдо бўйича ўсмирлар Олимпия ўйинларига рейтинг балларини тақдим этувчи Осиё Очиқ чемпионати бўлиб ўтди.
Унда юртимиз шарафини тўрт нафар дзюдочи ҳимоя қилди. Қувонарлиси, уларнинг барчаси мусобақада совриндорлар қаторидан ўрин олишга муваффақ бўлди.
Қизлар ўртасида -48кг вазн тоифасида юртимиз шарафини ҳимоя қилган Сита Қадамбоева барча рақибларини мағлубиятга учратиб, олтин медаль соҳибасига айланди. -52кг вазн тоифасида баҳсларда иштирок этган Нилуфар Ермагамбетова эса кумуш медалга сазовор бўлди.
Ўғил болалар ўртасидаги беллашувларда эса Мақсуд Очилов (-55кг) ва Жайҳунбек Назаров (-66кг) бронза медалларини қўлга киритди.
Ушбу ғалаба орқали дзюдочиларимиз ўзлари учун қимматли бўлган рейтинг очколарини ишлаб олдилар. Энди улар Макаода бўлиб ўтадиган ана шундай мусобақада иштирок этадилар.
Ҳавола :
Манба : olympic.uz
Фикрлар