05 фев 09:28
Янгиликлар

Теннис

Остапенко Линцдаги WTA 500 турнири ғолибаси бўлди + ФОТО

Австриянинг Линц шаҳрида ўтказилган WTA 500 тоифасига кирувчи турнир Елена Остапенконинг ғалабаси билан якунига етди.

Латвиялик теннис маликаси ҳал қилувчи финал учрашувида WTA рейтингида 21-поғонада борган россиялик Екатерина Александровани ортиқча қийинчиликсиз мағлубиятга учратди - 6:2, 6:3.

Бу дунёнинг 12-ракеткаси бўлиб турган Остапенко учун мавсумдаги иккинчи совринга айланди. Остапенко январь ойида Аделаида (Австралия) шаҳридаги турнирда ҳам титул ютганди. Етмиш дақиқа давом этган баҳсда Елена 3 та брейк-пойнт ва 6 та эйсни амалга оширди.