Оуэн ўзи билан бирга ўйнаган энг яхши футболчини айтди

“Зидан мен ўйнаган футболчилар ичида энг зўри эди. У футболчи бўлиши учун туғилган. Зидан тўп билан муомала қилганда кўринмас тола борга ўхшарди. Қандай ҳолатда бўлмасин, тўп доимо ундан бир хил масофада турарди. Унда ўзгача инстинкт бор эди, у бир тегиниш билан тўпни ўзи хоҳлаган томонга йўналтира оларди ва мукаммал тарзда назорат қиларди.

У қойилмақом бўлган. Чап ва ўнг оёғи жуда тез, кучли эди. У Кройфнинг ҳаракатини такрорлаб, ҳимоячидан ўтиб кетишга қодир бўлган. Зидан жуда кучли эди”, дейди Оуэн.

Эслатиб ўтамиз, Оуэн ва Зидан 2004/05 йилги мавсум “Реал” сафида бирга ўйнаган.