Ўзбекистон барибир "Дэвис Кубоги"нинг плей-офф босқичида иштирок этадиган бўлди. Сабаби...

Беларусь терма жамоаси 4-5 март кунлари 1-жаҳон гуруҳи плей-офф босқичида иштирок этиши керак эди. Аммо Беларуснинг мусобақадан четлатилгани сабабли унинг рақиби Мексика тўғридан-тўғри йўлланмага эга бўлди ва энди улар сентябр ойида 1-Жаҳон гуруҳидаги баҳсларда иштирок этади. Сентябрь ойида 1 ва 2-Жаҳон гуруҳларида қатнашувчи жамоалар сонини тўлиқ қилиш мақсадида 1-Жаҳон гуруҳининг плей-офф босқичида энг юқори ўринни эгаллаб турган (мағлубиятга учраган) мамлакат, яъни Ўзбекистон 1-Жаҳон гуруҳида иштирок этадиган бўлди. 2-Жаҳон гуруҳининг плей-офф босқичида мағлуб бўлган энг юқори кўрсаткичга эга икки давлат (Хитой ва Таиланд) эса 2-Жаҳон гуруҳида кураш олиб боради.