Ўзбекистон дзюдо Федерацияси танлов эълон қилади

Федерация дзюдони оммалаштириш ҳамда ўз ишлаш имиджини ўзгартириш бўйича қатор йўналишларда янгиликларни амалга оширишни мақсад қилган. Шу жумладан, федерациянинг ҳозирги логотипини ўзгартириш ҳам кўзда тутилган. Логотип ўзбек, рус ва инглиз тилларида акс этиши шарт. Лойиҳада асосий ғоя спортчиларни доимий тарзда ғалабага ундашга қаратилиши керак. Логотип ранги ҳамда ёзув шрифтлари Ўзбекистон Республикаси давлат байроғи билан ҳамоҳанг бўлиши, шунингдек унда ғалаба, куч-қувват, ёшлик, ҳаракатчанлик, дзюдо фалсафаси кўзга ташланиб туриши лозим. 

Федерация логотипи ташкилот совғалари, бренд маҳсулотлари ва шу каби жиҳатларга мос тушиши керак. Янги логотипнинг кўриниши жиҳатидан ҳозиргисини умуман такрорламаслиги, унга ўхшамаслиги талаб этилади. 

Танлов учун тақдим этилган барча ишлар Ўзбекистон дзюдо федерацияси раҳбарияти вакилларидан таркиб топган махсус комиссия томонидан кўриб чиқилади ва баҳо берилади. Танловда барча хоҳловчилар иштирок этишлари мумкин. 

Энг яхши деб топилган логотип эгасига совға сифатида iPhone 11 телефони тақдим этилади. Танлов учун ишлар 1 январдан 10 январгача uzbjudofed@gmail.com электрон манзилида қабул қилинади.

Танлов бўйича батафсил маълумотларни қуйидаги телефон рақами ёки электрон почтага хабар жўнатиш орқали олишингиз мумкин:

 +998712326231

Е-mail uzbjudofed@gmail.com