16 сен 14:30
Янгиликлар
Теннис
Ўзбекистон – Швейцария 1:1. Файзиев рақибига ютқазиб қўйди
Хабар берганимиздек, бугун теннис бўйича норасмий жаҳон чемпионати ҳисобланган Дэвис Кубоги доирасидаги Ўзбекистон – Швейцария учрашуви бошланди.
Бу икки терма жамоа Жаҳон лигасига чиқиш учун плей-офф ўйинида иштирок этяпти.
Бугунги яккалик баҳсларини Денис Истомин ҳамда Энтони Бельерлар бошлаб беришганди. Истомин дунё рейтингада 113, Бельер эса 507-ўриндан жой олганди. Уч сетда 6:3, 6:2, 6:4 ҳисобида ғалаба қозонган Истомин терма жамоамизни ҳисобда олдинга олиб чиққанди.
Иккинчи учрашувда ҳамюртимиз Санжар Файзиев Швейцариянинг биринчи ракеткаси Хенри Лаксоненга қарши кортга чиқди. 25 ёшли Лаксонен рейтингда 138-поғонани банд этиб турибди. Учрашувда тажриба ўз сўзини айтди ва уччала сетда Лаксонен 6:2 ҳисобида зафар қучиб, умумий ҳисобни тенглаштирди: Ўзбекистон - Швейцария 1:1. Эртага жуфтликлар баҳси бўлиб ўтади.
Ҳавола :
Манба : olamsport.com
Фикрлар