11 дек 14:41
Янгиликлар

Бокс/ММА

Ўзбекистон терма жамоаси аъзоси жароҳат сабаб ярим финалда рингга чиқмайдиган бўлди

Дубай шаҳри бокс бўйича катталар ўртасидаги IBA Жаҳон чемпионатига мезбонлик қилмоқда.

Мусобақада -75 кг вазн тоифасида юртимиз шарафини ҳимоя қилаётган Фазлиддин Эркинбоев ярим финалда Қозоғистон вакили Сабиржан Аккаликовга қарши рингга кўтарилиши лозим эди.

Лекин Ўзбекистон бокс федерацияси матбуот хизматига кўра, боксчимизнинг қўлидан олган жароҳати сабабли бугунги жанг ўтказилмайди. Шу сабабли, Фазлиддин мусобақани бронза медали билан якунлайди.

Маълумот учун, Фазлиддин ярим финалга қадар Қирғиз Республикаси, Арманистон ва Озарбайжон терма жамоаси боксчиларини мағлубиятга учратганди.

Шу тариқа, бугун ўтказиладиган ярим финалларда 8 нафар ўзбекистонлик боксчи рингга кўтариладиган бўлди.