24 дек 11:55
Янгиликлар

Дзюдо

Ўзбекистон терма жамоаси Исроилдан қайтиб келди + ФОТО

Бироз аввал 2022 йилги мавсумнинг сўнгги мусобақаси - "Мастерс"да иштирок этган дзюдо бўйича Ўзбекистон терма жамоаси делегацияси Исроил давлатидан юртимизга қайтиб келди.

Дунёнинг 5 қитъасидан 60 га яқин давлат дзюдочилари иштирок этган ушбу нуфузли мусобақада терма жамоамиз аъзолари ҳам медаллар ҳамда Париж-2024 Олимпиадаси йўлидаги қимматли рейтинг очколари учун татамига чиқишди.

Якунда жамоамиз 1 та кумуш ва 2 та бронза медали билан умумжамоа ҳисобида 11-ўринда эгаллади. Жами 22 давлат делегациялари камида 1 та бронза медалини қўлга киритишди.

Шоҳсупага кўтарилган дзюдочиларимиз:

Кумуш: Шаҳрам Аҳадов (-73 кг)

Бронза: Муроджон Йўлдошев (-73 кг)

Бронза: Алишер Юсупов (+100 кг)