02 июл 15:41
Янгиликлар
Футбол
Ўзбекистон терма жамоаси Португалия билан ўйнайди
Футзал бўйича Ўзбекистон миллий терма жамоаси август ойида Португалия билан ўртоқлик учрашуви ўтказади.
Баҳодир Аҳмедов бошчилигидаги футзалчиларимиз сентябрь ойида Литвада ўтадиган Жаҳон чемпионатига тайёргарлик доирасида 27 август куни Португалия билан куч синашишади.
Эслатиб ўтамиз, Литвадаги Жаҳон чемпионати 12 сентябрдан 3 октябрга қадар бўлиб ўтади. Ўзбекистон терма жамоаси Россия, Гватемала ва Миср билан бирга "B" гуруҳида иштирок этади. Португалия эса Таиланд, Марокаш ва Соломон орллари билан "C" гуруҳидан жой олган.
Маълумот учун, Португалия терма жамоаси 2016 йилги Жаҳон чемпионатида ярим финалга қадар етиб борган ва учинчи ўрин учун баҳсда Эронга пенальтилар сериясига ютқазиб қўйганди. Ўша мундиалда Ўзбекистон Португалия билан гуруҳ босқичида тўқнаш келган ва 1:5 ҳисобида мағлуб бўлган эди.
Ҳавола :
Манба : championat.asia
Фикрлар