Ўзбекистон U-17 терма жамоаси мураббийи: "Финалга чиқиш учун исталган рақибни ютишимиз керак"

Ўзбекистон ўсмирлар терма жамоаси бош мураббийи Сергей Чигодаев қуръа ва тайёргарлик жараёнлари ҳақида фикрини билдирди

"Осиё чемпионатидаги барча 16 та жамоани кучли деган бўлардим. Биз учун ким билан ўйнашимизни фарқи йўқ, чунки мақсадимиз юқори. Финалга чиқиш учун исталган рақибга қарши майдонга чиқиб ўйнашимиз ва ютишимиз керак. "D" гуруҳида Австралия, Ҳиндистон ва Шимиолий Корея билан тўқнаш келамиз. Албатта, уларнинг бир нечта ўйинларини кўриб чиқдик. Ҳамма жамоалар яхши даражада. Ҳар бир ўйинда ғалаба қозонишга ҳаракат қиламиз. 

13 февралда йиғилдик. Беш кун ўз қароргоҳимизда шуғулланамиз ва Беларусь мамлакатига йўл оламиз. "Ривожланиш кубоги" халқаро турнирида қатнашамиз, у ерда ҳам яхши рақиблар бор. Беларусь, Озарбайжон ва Россия билан бир гуруҳдан жой олдик. Ўйлайманки, Осиё Кубогига яхши тайёргарлик вазифасини ўтаб беради",- дейди Сергей Чигодаев.