03 мар 15:50
Янгиликлар

Дзюдо

Ўзбекистон ёшлар терма жамоаси Анталияда йиғин ўтказяпти

Хабар берганимиздек, дзюдо бўйича Ўзбекистон ёшлар терма жамоаси Туркиянинг Анталия шаҳрида ўтказилган Европа Очиқ кубогида иштирок этганди.

Ушбу мусобақа якунланиши билан барча иштирокчи давлат жамоаларининг қўшма ўқув-машғулот йиғини бошланди. Ушбу йиғинда 16 мамлакатнинг ёш дзюдочилари қатнашишяпти, ўзаро тажриба алмашишяпти. Улар қаторида Тоҳир Файзиев мураббийлигидаги ёшларимиз ҳам бор.

Эслатиб ўтамиз, Анталия татамиларида ҳамюртларимиздан Абдулла Тўхтамишов (+90 кг) барча рақибларини мағлубиятга учратиб, олтин медаль соҳибига айланган эди.