Ўзбекистонда чанғи спорти федерацияси иш бошлади

Федерациянинг асосий мақсади этиб мамлакатимизда тоғ чанғиси, сноуборд, фристайл каби спорт турларини оммалашириш, инсон ривожида чанғи спортининг ролини ошириш, Ўзбекистонда ва халқаро ареналарда чанғи спортининг нуфузини ошириш масалалари белгиланган. 

Olamsport.com сайтига берилган маълумотга кўра, ўтказилган ҳисобот-сайлов конференцияси якунига кўра, Якубов Бекзод Рихсибоевич Чанғис порти федерацияси раиси этиб сайланди. Андрей Воронов, Андрей Дидиченко ва Иван Меркушкин вице-президент, Али Тўхтаев эса ташкилот бош котиби лавозимига сайланишди. 

Қайд этиш лозимки, Ўзбекистонда сўнгги йилларда қишки спорт турларига ҳам эътибор қаратила бошланди. Бунга мисол сифатида юртимизда халқаро даражадаги Амирсой тоғ чанғиси курарти, шунингдек "Ҳумо" муз аренаси қурилишларини мисол қилишимиз мумкин.