04 авг 08:06
Янгиликлар

Волейбол

Ўзбекистонда илк бор ўтказилган волейбол бўйича U-19 Жаҳон чемпионати якунланди

24 июль куни Тошкентда старт олган ва дунёнинг энг кучли жамоаларини бир майдонга тўплаган волейбол бўйича йигитлар ўртасидаги U-19 Жаҳон чемпионати кеча ўз якунига етди.

Сўнгги куннинг финал баҳсида амалдаги чемпион Франция терма жамоаси Полшани 3:1 ҳисобида мағлуб этиб, яна бир карра жаҳон чемпионлигини қўлга киритди. Бронза медали учун кечган муросасиз ўйинда эса Испания терма жамоаси Эрон устидан 3:2 ҳисобида ғалаба қозонди.

Чемпионатнинг тақдирлаш маросимида Ўзбекистон волейбол федерацияси, Спорт вазирлиги ва Миллий Олимпия қўмитаси раҳбарияти аъзолари ҳам иштирок этиб, ғолиб ва совриндорларни табриклади ҳамда мусобақа юксак савияда ўтганини таъкидлади.