10 апр 18:16
Янгиликлар

Бокс/ММА

Ўзбекистонлик боксчилар проф рингдаги жангларга тайёргарлик кўрмоқдалар

Теглар : Бокс

Хабар берганимиздек, бир гуруҳ профессионал боксчиларимиз Россиянинг нуфузли RMKA промоутерлик компанияси билан шартнома имзолаган эди.

Ҳозирги кунга келиб бу чарм қўлқоп усталаримиз орасида Равшан Умурзоқов ва Мирзоҳид Абдуллаев ғалабали одимини давом эттиряпти. Айримлари Россия рингларида илк қадамларини ташлашга ҳозирлик кўришмоқда. Жумладан, Жалолиддин Ўктамов 18 апрель, Равшан Умурзоқов, Сардор Музаффаров 22 апрель, Степан Партнов ва Азамат Эргашевлар 4 майда ўтказиладиган жангларга тайёргарлик кўришяпти.

Машғулотларни Ўзбекистон профессионал бокс федерацияси ижрочи директори, тажрибали мураббий ва ҳакам Набижон Исмонов кузатиб бориш баробарида россиялик мураббийлар билан биргаликда ҳамюртларимизни жангларга оптимал холатда етиб боришлари учун ҳаракат қилмоқда.

Қуйида эътиборингизга тайёргарлик жараёни акс этган суратларни ҳавола этамиз.

Профессионал бокс федерацияси матбуот хизмати