14 май 14:51
Янгиликлар

Дзюдо

Ўзбекистонлик дзюдочилар Оренбургдаги халқаро турнирда совриндорлар қаторидан ўрин олишди

Россиянинг Оренбург шаҳрида дзюдо бўйича Европа Очиқ кубоги баҳслари бўлиб ўтди.

Ушбу мусобақада иштирок этган икки нафар спортчимиз совриндорлар қаторидан ўрин олди.

-66кг вазн тоифасида юртимиз шарафини ҳимоя қилган Азамат Матёқубов финалгача етиб борди ва кумуш медаль соҳибига айланди. +100кг вазн тоифасида беллашувларда қатнашган Ҳусниддин Ҳусанов эса бронза медалига сазовор бўлди. Мазкур турнир спортчиларимиз учун Осиё ўйинларига тайёргарлик вазифасини бажарди.

Эслатиб ўтамиз, кеча шунингдек ёшлар ва ўсмирлар ўртасидаги Осиё чемпионати якунига етди ва унда ёш полвонларимиз III ёзги ўсмирлар Олимпия ўйинлари учун муҳим бўлган рейтинг очколарини қўлга киритишди.