Ўзбекистонлик ММАчилар АҚШда октагонга чиқишади

Каратэ, ушу, бокс ва жанговор самбо бўйича Ўзбекистон ва қатор халқаро мусобақалар ғолиби Мирафзал Ахтамов машғулотларга жиддий киришди. Иқтидорли спортчимиз Бирлашган Араб Амирликларининг "Teamnogueira fighter" промоутерлик клуби машғулотларида иштирок этди. Айни пайтда у ушбу компания билан шартнома тузган. Агар АҚШдаги жангларда муваффақиятли иштирок эта олса, мазкур келишув яна узайтирилади.

Мирафзал Ахтамов жорий йилнинг июль ойида АҚШда ўтказиладиган бутундунё яккакураш спорт турлари бўйича “Iska world martial arts championships” халқаро мусобақасида ММА қоидаси асосида ўтказиладиган жангда иштирок этади. Ушбу мусобақада Мирафзалдан ташқари шунингдек Сухроб Раҳимбеков ва Мироншох Асатуллаев каби спортчилар ҳам қатнашишлари кўзда тутилган.