03 фев 13:39
Янгиликлар

Бокс/ММА

Ўзбекистонлик мураббийнинг шогирди Техасда ғалаба қозонди

Россиялик 26 ёшли боксчи Бахрам Муртазалиев АҚШнинг Невада штати Фриско шаҳрида навбатдаги ғалабасига эришди.

Биринчи ўрта вазн тоифасида рингга чиқиб келаётган россиялик бу боксчи машғулотларини ҳамюртимиз Аброр Турсунпўлатов қўл остида ўтказади. Муртазалиев бугун 38 ёшли Элвин Айалага қарши рингга кўтарилди ва тўққизинчи раундда техник нокаут эвазига ғалаба қозонди.

Қозоғистонлик 25 ёшли боксчи Жанибек Алимханули эса бешинчи раундда пуэрторикалик Стивен Мартинесни техник нокаут эвазига енгди. Ушбу бокс оқшомида россиялик яна бир спортчи 25 ёшли Исмаил Илиев фаолиятидаги илк мағлубиятини қабул қилиб олди. У америкалик Патрик Дэйга 94-96, 93-97, 92-98 ҳисобида имкониятни бой бериб қўйди.