Ўзига хос феъл-атвори билан танилган Бобур Абдулазизовнинг навбатдаги рақиби ва жанг санаси эълон қилинди

Яримўрта вазн тоифасида жанг олиб борувчи спортчи 30 ноябрь куни Қозоғистоннинг Олма-Ота шаҳрида бўлиб ўтадиган Nomad Fighting 11 турнирида октагонга кўтарилади. Абдулазизовга турнир доирасида Қозоғистон вакили Шерзод Абдужаппоров рақиблик қилади.

Маълумот ўрнида, Бобур Абдулазизов ҳозирга қадар проф фаолияти давомида 29 та жанг ўтказиб, 18 та ғалаба ва 11 та мағлубият қайд этган. У жангларида ўзининг жаҳлдор феъл-атвори билан МДҲ мамлакатларида таниқли ҳисобланади. Бобурнинг бўлажак рақиби Шерзод эса ҳозиргача фақат битта жанг ўтказиб, мағлуб бўлган.