Пакьяо биринчи камарини олганда спорт қандай ҳолатда эди?

"Пак ман" биринчи камарини ХХ асрда, 1998 йили қўлга киритган.

19 ёшида дастлабки камар

Мэнни 1995 йил, 16 ёшида профессионал боксдаги фаолиятини бошлаган. Пакьяо уч йил давомида Филиппинда жангларини ўтказади, фақатгина 1998 йилнинг майида биринчи марта Токиода Шин Тераога қарши сафар жангида рингга кўтарилиб, рақибини уч дақиқа ичида мағлуб этишни уддалайди. Уч йиллик фаолияти давомида Мэнни 23-1 натижаси билан биринчи марта чемпионлик жангида иштирок этиш ҳуқуқига эга бўлади. Флиппинлик боксчининг дастлабки чемпионлик жанги 28 ёшли Чатчай Сасакульга қарши бўлади. Баҳснинг саккизинчи раундида Чатчай даҳшатли зарбани ўтказиб юборади. Шу тариқа, Мэнни Пакьяо 19 ёшида дастлабки чемпионлик камарига эга чиқади.

Мэнни Пакьяо биринчи чемпионлик камарини қўлга киритганда...

-Супер оғир вазн тоифасида WBC чемпиони Леннокс Льюис, WBА, IBF чемпиони Эвандер Холифилд, WBО чемпиони Херби Хайд ҳисобланарди.

-Александр Поветкин ҳали профессионал фаолиятини бошламаган, кик-боксинг билан шуғулланар эди.

-Флойд Мэйвезернинг натижаси 19-0 ни ташкил этарди, унга WBC камари тегишли бўлган.

-Федор Емельяненко ҳали ММАдаги фаолиятини бошламаганди.

-Хабиб Нурмагомедов эндигина ўн ёшда ҳамда самбо билан шуғулланаётган эди.

-Нагано мезбонлик қилган қишки олимпиадада умумий натижада Норвегия етакчи бўлган.

-Франция терма жамоаси футбол бўйича жаҳон чемпиони бўлган. Килиан Мбаппе эса икки ҳафтадан сўнг туғилган.

-АТP рейтингида Линдсэй Дэвенпорт етакчи эди.

-ФИФА ўйинининг муқовасида Деннис Бергкамп эди.