27 июл 15:25
Янгиликлар

Бокс/ММА

Пакьяо - Турман жанги чипталари Фьюри - Шварц жанги чипталаридан 8 баробар кўп даромад келтирди

Профессионал бокснинг ярим ўрта вазн тоифаси WBA суперчемпионлигига ўтказилган Мэнни Пакьяо ва Кит Турман ўртасидаги жанг учун чиқарилган чипталар савдосидан рекорд даражада даромад олинди.

Невада штати Спорт қўмитаси берган расмий маълумотга кўра, савдога 11 436 та чипта чиқарилган ва 6 миллион 260 минг 275 долларга сотилган. Яна 1675 дона чипта бепул тарқатилган. Барча чипталар сотиб бўлинган.

Таққослайдиган бўлсак, бир ой олдин айнан Лас-Вегасда ўтган Тайсон Фьюри ҳамда Том Шварц ўртасидаги жангнинг чипталар савдоси ташкилотчиларга 882 минг 145 доллар даромад келтирганди. Ўшанда 5489 та чипта сотилган, 1187 таси эса бепул тарқатилган эди.