Панарин "Рейнжерс"нинг барча даврлар рекордини янгилади

Санрайздаги "Амерант Банк Арена"да ўтган баҳсда "Флорида Пантерз" 5:3 ҳисобида ғалаба қозонди. Меҳмонларнинг россиялик ҳужумчиси Артемий Панарин голларнинг бирига ҳаммуаллифлик қилди.  

Бу билан Панарин ўз клуби таркибида 500-очкосини жамғарди. Артемий ушбу довонни забт этган клуб тарихидаги 14-ўйинчига айланди. Лекин ўйинлар сони бўйича у энг яхши натижага эришди. У 384 та учрашувда музга чиқиб, 500 очкони расмийлаштирди. Бу йилги мавсумда Панарин 34 та учрашувда 17 та гол киритиб, 23 та ассист қайд этди.