23 фев 13:09
Янгиликлар

Дзюдо

Парадзюдочиларимиз Жаҳон кубогининг илк кунида 4 та медаль қўлга киритишди

Парадзюдо бўйича Ўзбекистон терма жамоаси Грузия пойтахти Тбилиси шаҳрида бўлиб ўтаётган Жаҳон кубогида иштирок этмоқда.

Ўзбекистон паралимпия ассоциацияси матбуот хизматининг хабар беришича, мусобақанинг илк куни парадзюдочиларимиз 4 та медаль қўлга киритишди. -66 кг вазндаги полвонимиз Учқун Қуранбоев барча рақибларини мағлуб этиб, олтин медалга эга чиқди. -60 кг вазн тоифасида татамига чиққан Шерзод Намозов кумуш, -66 кг вазнли парадзюдочимиз Ўткир Ниғматов эса бронза медалига сазовор бўлди.

Терма жамоамизга кечаги кун ҳисобидан сўнгги медални Феруз Саидов тақдим этди. -73 кг вазн тоифасида юртимиз шарафини ҳимоя қилган Саидов Жаҳон кубогининг бронза медали билан тақдирланди.