Паралимпия. Дзюдо бўйича Ўзбекистон кубоги ўтказилди

Ушбу мусобақа Ўзбекистон Миллий Паралимпия Ассоциацияси томонидан вилоятлардан селекция қилинган спортчиларнинг жисмоний ҳолати ва техник-тактик малакасини аниқлаш, кўздан кечириш мақсадида ташкил қилинди.

Баҳсларда 50 нафардан ортиқ спортчилар, жумладан эркаклар -60, -66, -73, -81, -90, -100, +100 кг вазн тоифасида, аёллар эса -48, -52, -56, -63, -70, +78 кг вазн тоифаларида кураш олиб бордилар.

Мусобақа якунларига кўра, умумжамоа ҳисобида Хоразм вилояти вакиллари биринчи ўринни эгаллашди. Иккинчи поғонадан Қашқадарё вилояти спортчилари жой олган бўлсалар, кучли учликка Бухородан ташриф буюрган полвонлар якун ясашди.