09 фев 10:53
Янгиликлар

Дзюдо

Париж "Катта Дубулға". 115 давлат орасида 13-ўриндамиз, ҳозирча...

Париж "Катта Дубулға" турнирининг биринчи кунги баҳсларидан сўнг медаллар жамғариш бўйича умумжамоа ҳисобида Япония терма жамоаси пешқадамлик қилмоқда.

Дзюдо ватани вакиллари кеча 2 та олтин, 2 та кумуш, 3 та бронза медалини қўлга киритишди. Биттадан олтин ва кумуш медални қўлга киритган Жанубий Корея терма жамоаси иккинчи, 1 та олтин ва шунча бронза медалига эга чиққан мезбонлар эса кучли учликка якун ясаб туришибди.

Украина, Косово ва Канада терма жамоалари ҳам кечаги баҳсларда биттадан олтин медалга эга бўлишди. Ўнта терма жамоа камида битта кумуш, ўн уч мамлакат делегациялари эса камида битта бронза медалини қўлга киритиб улгуришди. Айнан 13-поғонадан Ўзбекистон терма жамоаси жой олган. Ҳикматуллоҳ Тўраевнинг бронза медали 115 давлат жамоалари орасида 13-ўринни эгаллаб туришимизни таъминлаган.