Париж "Катта Дубулға" турнири қаҳрамонлари Ватанга қайтишди ФОТОРЕПОРТАЖ

Ислом Каримов номидаги Тошкент халқаро аэропортида ҳафта қаҳрамонларини тантанали кутиб олиш маросими ташкил этилди. Тадбирда Туризм ва спорт вазири ўринбосари Шаҳрулло Маҳмудов, вазирлик ва МОҚ мутасаддилари, Мудофаа вазирлиги, Миллий Гвардия мас`уллари ҳамда ОАВ ходимлари ҳозир бўлишди.   

Эслатиб ўтамиз, дунёнинг кўзга кўринган дзюдочилари иштирок этган мусобақада терма жамоамизнинг 5 нафар аъзоси медаллар ҳамда рейтинг очколари учун татамига чиқди. Турнирнинг иккинчи куни Шарофиддин Болтабоев (-81 кг), Токио Олимпиадаси совриндори Давлат Бобонов (-90 кг) ва Музаффарбек Тўрабоев (-100 кг) ўз вазн тоифаларида бронза медали ҳамда 500 рейтинг очкосини қўлга киритишди. 

Бу медаллар сабаб Ўзбекистон медаллар жамғариш бўйича умумжамоа ҳисобида 10-ўринни эгаллади. Япония терма жамоаси кутилганидек, 7 та олтин, 5 та кумуш, 6 та бронза медали билан биринчи бўлди. 

Мезбонлар 3 та олтин, 1 та кумуш, 7 та бронза билан иккинчи ўринни банд этишган бўлса, кучли учлик мўғулистонлик дзюдочилар 2 та олтин, 1 та кумуш ва 1 та бронза медали билан якун ясашди.