13 фев 15:14
Янгиликлар

Дзюдо

Париж шаҳрида саксонга яқин давлат дзюдочиларининг қўшма йиғини давом этмоқда

Хабар берганимиздек, Париж "Катта Дубулға" турнирида иштирок этган Ўзбекистон терма жамоаси ўша ернинг ўзида қисқа муддатли ўқув-машғулот йиғинини ўтказмоқда.

Ушбу йиғинда Париж мусобақасида қатнашган дунёнинг саксонга яқин мамлакати терма жамоалари иштирок этяпти. Бугун машғулотлар якунига етади ва терма жамоамиз делегацияси Германиянинг Колони шаҳрига йўл олади.

Эслатиб ўтамиз, 21-23 февраль кунлари Германиянинг Дюсселдорф шаҳрида ҳисоб бўйича йилнинг иккинчи "Катта Дубулға" турнири бўлиб ўтади. Мусобақага тайёргарлик эртадан Колони шаҳрида давом эттирилади.