01 апр 07:53
Янгиликлар

Бокс/ММА

Паркерни мағлуб этган Жошуа чемпионлик камарларини бирлаштирди

Уэльс пойтахти Кардифф шаҳридаги муҳташам “Миллэниум” стадионида узоқ кутилган профессионал бокс кечаси бўлиб ўтди.

Унда супероғир вазн тоифасидаги икки жаҳон чемпионлари ўзаро бирлаштирувчи чемпионлик жангида рингга кўтарилишди. Британиялик Энтони Жошуа (21-0, 20 КО) WBA Super, IBO ва IBF, Янги Зеландия вакили Жозеф Паркер (24-1, 18 КО) эса WBO йўналиши чемпиони бўлиб турганди.

Ўн икки раунд давом этган жангдаги ғалабадан сўнг Жошуа чемпионлик камарлари сонини кўпайтириб олди. Ғолиб номини ҳакамларнинг берган баҳоси аниқлаб берди. Уччала ҳакам ҳам 118:110, 118:110, 119:109 ҳисобида ғалабани Энтони Жошуага тақдим этишди.