"Пахтакор" мавсумни ғалаба билан бошлади

Ўйиннинг 21-дақиқасида Исмоил Гонсалвеш рақиб жарима майдони ичида йиқилиб тушди, ҳакамлар бу вазиятда пенальти йўқ деб ҳисоблашди. 23-дақиқада стадионнинг иккита прожектори ўчиб қолди ва ўйин тўхтаб қолди. Тахминан 7-8 дақиқадан сўнг камчилик бартараф этилди ва баҳс давом эттирилди. 

33-дақиқада меҳмонлар ҳисобни очишлари мумкин эди. Дилмурод Каримовнинг жаримадан йўллаган зарбаси дарвоза тўсинига тегиб майдонни тарк этди. Биринчи таймга 9 дақиқа қўшиб берилди.

49-дақиқада бурчак тўпидан кейин Безерра боши билан зарба берди, дарвоза олдида турган Шерзод Аъзамов ҳисобни очди - 1:0. 82-дақиқада Машарипов пенальти ишлади ва уни Исмоил Гонсалвеш аниқ амалга оширди - 2:0.  Учрашув ана шу ҳисобда якунланди.