"Пахтакор" қўшиб берилган дақиқада мағлуб бўлди ва ОЧЛни тарк этди

Ушбу учрашувда "Пахтакор"ни дуранг натижа ҳам қониқтирарди. Боз устига гуруҳнинг иккинчи ўйинида "Ал Садд" сафарда Эроннинг "Персеполис" клубига 0:2 ҳисобида имкониятни бой берганди. 

Шу боисдан Шота Арвеладзе шогирдларида гуруҳ пешқадами сифатида плей-оффга чиқиш имконияти юзага келган эди. Аммо, асосий вақтга қўшиб берилган иккинчи дақиқада Абдулраҳмон Ғариб томонидан киритилган гол "Пахтакор"ни гуруҳда қолдириб кетди. 

Эътиборга молик жиҳати шундаки, захирадан ўйинга қўшилган Игорь Сергеев худди "Персеполис" билан учрашувда бўлгани каби дарвозани ишғол қилиб, "Пахтакор" мухлисларини хушнуд этганди. Лекин хурсандчилик узоққа чўзилмади. 

"Ал Аҳли" - "Пахтакор" 2:1 (0:0)

Гол: Омар ал-Сома (69, 1:0), Игорь Сергеев (88, 1:1), Абдулраҳмон Ғариб (90+2, 2:1).

"Ал Аҳли": 33. Муҳаммад Овайс, 3. Муҳаммад Фатил, 17. Пауло Диаз (16. Нуҳ Иброҳим, 46), 23. Абдуллоҳ Тармин, 37. Абдулбосит Ҳинди, 75. Адерлан Сантос, 35. Юсуф Ҳарби (8. Тайсир ал-Жассим, 53), 7. Салман Мувашар, 10. Абдулфаттоҳ Асири, 21. Хорхе Семедо, 9. Омар Сома (с).

"Пахтакор": 35. Санжар Қувватов, 34. Фарруҳ Сайфиев, 15. Егор Кримец (55. Марко Симич, 80), 23. Шерзод Аъзамов, 3. Ҳожиакбар Алижонов, 20. Одил Ҳамробеков, 27. Сардор Собирхўжаев (29. Владимир Козак, 63), 9. Жалолиддин Машарипов, 10. Драган Черан, 17. Достонбек Ҳамдамов (11. Игорь Сергеев, 46), 21. Марат Бикмаев.

Огоҳлантиришлар: Юсуф ал Ҳарби (38), Кримец (51), Ҳинди (73), Абдуллоҳ Тармин (82), Алижонов (86).